Nalunaarsuutit tunngaviusut suliarinerilu
Paasissutissat kommuneqarfinnit ineqarnermut tapisianit pissarsiarineqarput. 2021-p qiteqqunnerani Kommuneqarfik Sermersuummit kommunit ineqarnermut tapiissutinut katersivia atorneqarunnaarnera pissutaalluni pisortat ataatsimoorullugu aningaasaqarnermut suliaanit amigaataasut ilanngunneqarput.
Kisitsisitigut paasissutissat aaqqissuunneri
Nalunaarsuutit tunngaviusut allaffissorluni nalunaarsuiffinninngaanneerput, kisitsisitigullu paasissutissiinermut atortussiatut ineriartortitaanatik, taamaattumillu nalunaarsuutit tunngaviusut suliareqqillugit misissorlugillu suliaapput.
Nalunaarsuutinik misissuineq
Kisitsisitigut paasissutissanut kommunini ineqarnermut tapiissutinut nalunaarsuutit atorlugit tunngavigineqarput. Ineqarnermut tapiissutini nalunaarsuutit avataasigut tapiliussat aamma isertitaqqortussuseq naapertorlugu nalilersuinerit kisitsisitigut paasissutissanut ilanngunneqanngillat.
Periaaseq
Januaarip aallaqqaataat 2009 aallarnerfigalugu kommunit 18-iusimasut kommunerujussuarnut sisamanut katiterneqarput, 2018-imilu januaarip aallaqqaataani Qaasuitsup Kommunia aamma Kommune Qeqertalimmut kiisalu Avannaata Kommunianut avinneqarluni. Kommuniusimasut kommunini nutaani najugaqarfittut (distrikt) taallugit atorneqarput. Saqqummersitami kommuninut immikkoortiterinerni massakkut kommunit avinneqarneri pineqarput, najugaqarfinnullu immikkoortiterinerni 2009 sioqqullugu kommuniusimasut pineqarlutik. Immikkoortiterinerit marluk ataani takussutissiami takuneqarsinnaapput.
Takussutissiaq 4. Kommunit najugaqarfiillu
|
Kommuni |
Kujalleq |
Sermersooq |
Qeqqata |
Qeqertalik |
Avannaata |
|
Najugaqarfik |
Nanortalik |
Ivittuut |
Maniitsoq |
Kangaatsiaq |
Ilulissat |
|
|
Qaqortoq |
Paamiut |
Sisimiut |
Aasiaat |
Uummannaq |
|
|
Narsaq |
Nuuk |
|
Qasigiannguit |
Upernavik |
|
|
|
Tasiilaq |
|
Qeqertarsuaq |
Qaanaaq |
|
|
|
Ittoqqortoormiit |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Inuit amerlassusaannik killiliineq
Kisitsisini paasissutissani pineqartut tassaapput Naatsorsueqqissaartarfiup inunnik nalunaarsuiffiani inuit ukiup naanerani Kalaallit Nunaanni kommunini najugaqartutut allattorsimasut. Inuit nalunaarsuiffianni sumiiffimmi najugaqartutut allaqqasoq tassani najugaqartutut naatsorsuussaavoq, inuillu allattorsimaffianni sumiiffimmi najugaqartutut naatsorsorneqarsimaneq kommunit naatsorsuuserisarfianni allami najugaqartutut allaqqasinnaalluni.
Najugaqartut amerlassusaat
Naatsorsueqqissaartarfiup inoqutigiinnut nalunaarsuiffiani inoqutigiit aamma inoqutigiinneq meeqqat amerlassusaat nalunaarsorneqarsimasut naatsorsuutini atorneqarput. Inoqutigiinni najugaqartut amerlassusaat kommuninit ineqarnermut tapissuutinut naatsorsuutaanniittunit allaanerusinnaapput.
Naatsorsueriaaseq (siullermik saqqummersitanit allaanerusoq)
Kisitsisitigut paasissutissanik saqqummersitami uani inuit ineqarnermut tapiissutinik pisartut amerlassusaat naatsorsorneqarput. Nuuttaarneq ilaatigut pissutaalluni, inoqutigiit qulit ukiut tamaasa decembarimi ataatsimit amerlanerusunik ineqarnermut tapiissutinik pisarput.
Ukiut siuliini saqqummersinneqartartunut sanilliullugu, inuit ineqarnermut tapiissutinik pisartut amerlassusaasa naatsorsorneqartalernerisa kinguneranik, iluarsiissuteqartoqarpoq, ass. 2020-mi ineqarnermut tapiissutinik pisartut inunnik 9-nik amerlanernilluunniit amerlatsissimallutik.